The psychotherapeutic role of the nurse in a psychodynamic unit.

Daar is alreeds oor die belangrikheid van terapeutiese gemeenskappe in die praktiese toepassing van psigiatrie geskryf. Die doel van hierdie artikel is om te illustreer in watter mate die rol van die psigiatriese verpleegkundige as terapeut in ’n terapeutiese gemeenskap ontwikkel het. Deur die inagneming van aspekte soos byvoorbeeld terapeutiese en dinamiese interaksie, terapeutiese inmenging op ’n persoonlike basis, groepsen gemeenskapswerk, met spesifieke verwysing na die verpleegkundige, word daar gehoop om die leser se aandag te vestig op die moontlikhede vir die verpleegkundige wat gewillig is om haar rol van versorger prys te gee en die rol van terapeut te aanvaar. Die mening word uitgespreek dat die rol van die verpleegkundige in dié eenheid toegelaat is om so te ontwikkel as gevolg van ’n kombinasie van hoogs gemotiveerde voorgangers en die entoesiasme van die leier van die eenheid, wie se vertroue in die bevoegdheid van die psigiatriese verpleegkundiges gedien het as aansporing vir die ontwikkeling van die verpleegkundiges as terapeute. In aansluiting hierby is die aanvaarding van die verpleegkundige deur die ander lede van die groep as ’n terapeut in haar eie reg, ’n voorvereiste.